Hogaamiyaha Ururka Alshabaab Sh Axmed Cabdi ayaa markii ugu horaysay ka hadlay Qaraxyadii ka dhacay Kambala waxaana uu sheegey in Qaraxyadaasi ay ahaayeen kuwo Alshabaab ay ka danbeeyeen isagoo intaas ku daray inay kuwo kale xigi doonaan.

Sh Ahmed Godane oo loo yaqaan Abuu Zubeyr ayaa warbaahinta u soo diray Cajalad Maqal ah wuxuuna sheegay in qaraxyadii Kampala ay fuliyeen guutada Saalax Nebhaan oo ay Baraawe ku dileen ciidamada Sirdoonka ee Mareykanka.

Sh Axmed Cabdi ayaa yiri “Guuto ka tirsan Mujaahidiinta Alshabaab ayaa gesysatay Weeraradii lagu laayey Mushrikiintii Kambala ku sugnayd waxaana xigi doona weeraro kale qaraxyada Kampala waa bilaaw loogu aargudayo shacbka reer Muqdisho”Ayuu yiri Abuu Zubeyr .

Abuu Zubeyr ayaa amaan u jeedshay guutadii fulisay weeraradii Kampala wuxuuna sheegay in ay si daacadnimo iyo geesino leh u difaaceen diinta iyo dalkooda